2:22 AM
seangkhun
សមាជិកសភាគណបក្សសមរង្ស៊ីចំនួន២៤រូបបានចុះហត្ថលេខានៅលើ លិខិតមួយផ្ញើទៅកាន់ព្រះមហាក្សត្រខ្មែរ នរោត្តម សីហមុនី កាលពីថ្ងៃទី១៨ ខែមីនា ដើម្បីស្នើសុំឲ្យមានការលើកលែងទោសដល់ប្រធានគណបក្សប្រឆាំង គឺលោក សម រង្ស៊ី បានវិលត្រឡប់មកកាន់ប្រទេសកម្ពុជាវិញ។
លោក សម រង្ស៊ី ប្រធានគណបក្សសមរង្ស៊ី
លិខិតដែលបានផ្ញើទៅកាន់ព្រះមហាក្សត្រខ្មែរនោះបានលើកឡើងថា ការកាត់ទោសលោក សម រង្ស៊ី គឺជាអំពើអយុត្តិធម៌មួយ ហើយអវត្តមានរបស់លោក សម រង្ស៊ី ដែលជាមេដឹកនាំបក្សនយោបាយធំទី២នៅកម្ពុជា បាននាំឲ្យប៉ះពាល់ដល់ការវិវឌ្ឍន៏លទ្ធិប្រជាធិបតេយ្យនៅកម្ពុជា។ ដូច្នេះ ការលើកលែងទោសដល់លោក សម រង្ស៊ី ពីសំណាក់ព្រះមហាក្សត្រ នឹងអនុញ្ញាតិឲ្យលោកទទួលបានបុព្វសិទ្ធិ សិទ្ធិ និងសមាជិកភាពជាសមាជិកសភាឡើងវិញ។
គួរបញ្ជាក់ថា កាលពីថ្ងៃទី១៥ ខែមីនា កន្លងទៅ ប្រធានរដ្ឋសភាកម្ពុជា លោក ហេង សំរិន បានធ្វើការសម្រេចដកបុព្វសិទ្ធិ និងសិទ្ធិជាអ្នកតំណាងរាស្រ្តរបស់លោក សម រង្ស៊ី ក្រោយពីតុលាការបានកាត់លោកឲ្យជាប់ពន្ធនាគាររយៈពេល២ឆ្នាំក្នុងបទ បំផ្លាញតម្រុយបង្គោលព្រំដែនខ្មែរ-យួននៅខេត្តស្វាយរៀង៕
Posted in: KHMER NEWS
0 comments:
Post a Comment