10:07 PM
seangkhun
ថ្ងៃទី 22-03-2011 ម៉ោង 10:13:15
ប្រធានាធិបតី ហ្គេតេម៉ាឡា លោក អាល់វ៉ារ៉ូ កូឡុំ និងភរិយា លោកស្រី សេនដ្រា តូរ៉េស បានដាក់លិខិតលែងលះគ្នា ដើម្បីឱ្យលោកស្រីអាចឈរឈ្មោះបោះឆ្នោតបន្ដតំណែងពីលោក។
តាម រដ្ឋធម្មនុញ្ញប្រទេស ហ្គេតេម៉ា ឡា គឺហាមប្រាមសាច់ញាតិដែលជិតស្និទ្ធជាមួយប្រធានាធិបតីឈរឈ្មោះបោះ ឆ្នោត។ ដូច្នេះមានតែការលែងលះគ្នាប៉ុណ្ណោះ ទើបអាចផ្ដាច់សែស្រឡាយ ហើយឱ្យភរិយារបស់លោកឈរឈ្មោះបោះឆ្នោតតំណែងប្រធានាធិបតីបាន។ លោក ស្រីសេនដ្រា តូរ៉េស នឹងក្លាយជាបេក្ខភាពប្រធានាធិបតីមកពីគណបក្សកាន់អំណាចក្នុងការ បោះឆ្នោតប្រធានាធិបតីនៅខែកញ្ញាខាងមុខ។
ម ន្ដ្រីតុលាការបានឱ្យដឹងថា ពួកគេទទួលបានលិខិតលែងលះរបស់ប្ដីប្រពន្ធ ប្រធានាធិបតីកូឡុំ។ អ្នកនាំពាក្យតុលាការជាន់ខ្ពស់ លោក អេតវីន អ៊ីស្កូបាបាន និយាយថា “លិខិតលែងលះដែលមានការឯកភាពទាំងប្ដីប្រពន្ធរបស់ប្រធានាធិបតី បានដាក់ទៅកាន់តុលាការកាលពីថ្ងៃទី១១ មីនា”។ បើភាគីទាំងពីរឯកភាពគ្នា លិខិតស្នាមពាក់ព័ន្ធការលែងលះនឹងត្រូវសម្រេចរយៈពេលមួយខែ។ លោកស្រី តូរ៉េស និងប្រធានាធិបតីកូឡុំមិនបានវិភាគអ្វីជុំវិញការលែងលះឡើយ។
ក្នុង ពេលនោះ បេក្ខភាពមកពីគណបក្សប្រឆាំង លោក អូតូភឺរ៉េស ម៉ូលីណា មកពីគណបក្សស្នេហាជាតិបានចោទប្រកាន់ប្ដីប្រពន្ធប្រធានាធិបតីកូ ឡុំ បានស្វែងរកវិធីសាស្ដ្រធ្វើឱ្យស្របច្បាប់។ លោក ម៉ូលីណា ចាត់ទុកថា ការលែងលះមិនទាន់គ្រប់គ្រាន់ ដើម្បីគេចផុតពីរដ្ឋធម្មនុញ្ញឡើយ។
ការ សម្រេចចិត្ដចុងក្រោយ ថាតើលោកស្រី តូរ៉េស អាចឈរឈ្មោះជាបេក្ខភាពប្រធានាធិបតីបានដែរឬទេនោះ នឹងសម្រេចដោយតុលាការធម្មនុញ្ញរបស់ ហ្គេតេម៉ាឡា។
លោក ស្រី សេនត្រា តូរ៉េស ដើរតួនាទីយ៉ាងសំខាន់ និងលេចធ្លោបំផុតនៅក្នុងដំណាក់កាលកាន់តំណែងរបស់ស្វាមី។ លោកស្រីដើរតួនាទីជាអ្នកផ្ដល់ជំនួយ ដល់អ្នកក្រីក្រពីរដ្ឋាភិបាល។ លោកស្រីក៏រងការចោទប្រកាន់ថាមានសិទ្ធិអំណាចជាងប្ដីនៅក្នុង ឆាកនយោបាយ។
លោក កូឡុំ និងលោក ស្រីតូរ៉េស បានរៀបការកាលពីខែកុម្ភៈ ឆ្នាំ២០០៣ ក្រោយទំនាក់ទំនងស្នេហារយៈពេល៦ខែ។ លោក កូឡុំ ជាប់ឆ្នោតជាប្រធានាធិបតីនៅឆ្នាំ២០០៨ ហើយមានសិទ្ធិកាន់អំណាចតែមួយអាណត្ដិ៤ឆ្នាំប៉ុណ្ណោះ តាមរដ្ឋធម្មនុញ្ញរបស់ប្រទេស ហ្គេតេ ម៉ាឡា៕
Posted in: inter-news
0 comments:
Post a Comment