4:04 AM
seangkhun
ដោយ៖ អប្សរា
ថ្ងៃសុក្រ ទី ១៨ខែ មិនា ឆ្នាំ២០១១
(រូបថត គោកធ្លក)
ជនសង្ស័យត្រូវប៉ូលិសស្រុកគិរីវង់ឃាត់ខ្លួនបញ្ជូនមកស្នងការដ្ឋាននគរបាលខេត្ត
ខេត្តតាកែវ ៖ក្មេងទំនើងម្នាក់ត្រូវប៉ូលិសស្រុកគិរីវង់ឃាត់ខ្លួនបញ្ជូនមកស្នង ការដ្ឋាននគរបាលខេត្ត ដើម្បីចាត់ការតាមច្បាប់ខណៈដែលជននេះបានយកដំបងប្ញស្សីវាយទៅលើជនរងគ្រោះឱ្យដេកដួលសន្លប់ និងរងរបួសជា
ទំងន់ ។ ហេតុការណ៍នេះបានកើតឡើងកាលពីថ្ងៃទី១៥មីនា វេលាម៉ោង១២កណ្តាលអធ្រាត្រស្ថិតនៅភូមិព្រៃតាម៉ៅ ឃុំគិរីចុងកោះ ស្រុកគិរីវង់។
ទំងន់ ។ ហេតុការណ៍នេះបានកើតឡើងកាលពីថ្ងៃទី១៥មីនា វេលាម៉ោង១២កណ្តាលអធ្រាត្រស្ថិតនៅភូមិព្រៃតាម៉ៅ ឃុំគិរីចុងកោះ ស្រុកគិរីវង់។
តាមប្រភពព័ត៌មានពីមន្ត្រីប៉ូលិសស្រុកគិរីវង់បានឱ្យដឹងថា ក្មេងទំនើងដែលវាយគេឱ្យរបួសពេលបុណ្យដារលាននោះឈ្មោះវ៉ាតវួន ភេទប្រុសអាយុ១៦ឆ្នាំរស់នៅភូមិ-ឃុំខាងលើបានយកដំបងប្ញស្សីប្រវែង១ម៉ែត្រកន្លះវាយទៅលើឈ្មោះសាញ់ វណ្ណាភេទប្រុស អាយុ៣៦ឆ្នាំ រស់នៅភូមិជាមួយគ្នាចំកញ្ចឹង.កនិងកណ្តាលក្បាល បណ្តាលឱ្យដួលសន្លប់នៅលើដីរងរបួសធ្ងន់។លុះព្រឹកឡើងថ្ងៃទី១៦ មីនាប៉ូលិសបានទៅឃាត់ខ្លួនជនសង្ស័យយកមកអធិការដ្ឋាននគរបាលស្រុក ដើម្បីសួរនាំ និងកសាងសំណុំរឿង ។
ប្រភពដដែលបានបន្តថា មុនពេលកើតហេតុជនដៃដល់ និងជនរងគ្រោះរួមជាមួយអ្នកភូមិដទៃទៀត បាននាំគ្នាលេងពេលបុណ្យដារលានយ៉ាងសប្បាយតែជនសង្ស័យបានអង្គុយលេង បៀនៅក្នុងរោងបុណ្យ ពេលនោះមិត្តភក្តិបានហៅជនសង្ស័យមកផឹកស្រា តែត្រូវជនរងគ្រោះស្ទុះទៅវាយអ្នកដែលហៅជនសង្ស័យទើបមានការវាយតបគ្នាកើតឡើង ។
នៅចំពោះប៉ូលិសជនសង្ស័យបានសារភាពថារូបគេពិតជាបានយកដំបងប្ញស្សីវាយទៅលើជនរងគ្រោះប្រាកដមែនមូលហេតុដោយសារជនរងគ្រោះបានវាយរូបគេមុន ។លោកយ៉ុង ញីវនាយរងការិយាល័យព្រហ្មទណ្ឌកំរិតស្រាលខេត្តបានឱ្យដឹងថាជនសង្ស័យជាមុខសញ្ញាចាស់ប៉ូលិសធ្លាប់ឃាត់ខ្លួនម្តងរួចមកហើយ ក្នុងករណីផឹកស៊ីវាយតបគេឱ្យរបួសហើយពេលនេះវាយគេឱ្យរបួសម្តងទៀតនៅ ព្រឹកថ្ងៃទី១៨ មីនាយើងបានសាងសំណុំរឿងបញ្ជូនជនសង្ស័យទៅសាលាដំបូងខេត្តដើម្បីចាត់ការតាមនីតិវិធី៕
Posted in: KHMER NEWS
0 comments:
Post a Comment