7:30 PM
seangkhun
ថ្ងៃ អង្គារ ទី ២២ ខែ មិនា ឆ្នាំ ២០១១
រាជធានីភ្នំពេញ ៖ អតីតមេខ្មែរក្រហមនៅតំបន់ភ្នំវល្លិបច្ចុប្បន្នជាទណ្ឌិតក្នុងពន្ធ នាគារព្រៃសបានជួបគ្រោះអកុសលផ្ទុះកំប៉ុងហ្គាសឆេះខ្លោចពេញ ផ្ទៃមុខ និងខ្លួនប្រាណកាលពីវេលាម៉ោង៧យប់ ថ្ងៃទី១៩ មីនា ហើយត្រូវគេបញ្ជូនទៅព្យាបាលនៅមន្ទីរពេទ្យព្រះកុសុមៈ។ អតីតមេខ្មែរក្រហមរូបនេះឈ្មោះឃុន គឹម ហៅនួន ប៉ែត ឬតាប៉ែត អាយុ៦៥ឆ្នាំ ។ តាមសមត្ថកិច្ចដែលយាមនៅពីមុខបន្ទប់តាប៉ែតឱ្យដឹងថា នួន ប៉ែត របួសដោយសារផ្ទុះកំប៉ុងហ្គាស ហើយកំពុងព្យាបាលនៅបន្ទប់សង្គ្រោះបន្ទាន់។
ទាក់ទិននឹងហេតុការណ៍នេះសាច់ញាតិឱ្យដឹងថា ខណៈនួន ប៉ែត កំពុងអង្គុយហូបបាយស្រាប់តែមានអ្នកយួរកំប៉ុងហ្គាសដើរកាត់ ហើយជ្រុះបណ្តាលឱ្យផ្ទុះឆាបឆេះរោលខ្មៅពេញផ្ទៃមុខ និងដងខ្លួន។ នៅវេលាម៉ោង៧ និង២០នាទីយប់ នួន ប៉ែត ត្រូវរថយន្តពន្ធនាគារព្រៃសដឹកទៅព្យាបាលនៅមន្ទីរពេទ្យព្រះ កុសុមៈ។ ពាក់ព័ន្ធនឹងស្ថានភាពរបស់នួន ប៉ែត លោកវេជ្ជបណ្ឌិត នាក់ មីនា ប្រចាំផ្នែកសង្គ្រោះបន្ទាន់កំរិតធ្ងន់នៅមន្ទីរពេទ្យព្រះកុសុមៈ មានប្រសាសន៍ឱ្យដឹងថា នួន ប៉ែត ខណៈពេលទើបបញ្ជូនមកដល់មន្ទីរពេទ្យបាត់បង់ជាតិទឹកច្រើនដោយសារ បន្ទាប់ពីរលាកនោះស្បែកឡើងពង ដូច្នេះហើយគ្រូពេទ្យបានបញ្ចូលទឹក តាមដានទឹកនោម និងទប់ស្កាត់ការឈឺចាប់ ។
មកដល់ព្រឹកថ្ងៃទី២១ មីនា ស្ថានភាពរបស់នួន ប៉ែត គ្រប់គ្រងបាន មិនមានអ្វីប្រែប្រួលទេ ចំណែកសម្ពាធឈាម និងការហូបចុកធម្មតាឡើងវិញហើយ។ លោកវេជ្ជបណ្ឌិតបញ្ជាក់ថា ការរលាកចែកចេញជាបីដំណាក់កាល តែដោយឡែកចំពោះការរលាករបស់លោកនួន ប៉ែត ស្ថិតក្នុងដំណាក់កាលទីពីរ គឺកំរិតរលាកពី៤០ទៅ៤៥ភាគរយ។ លោកវេជ្ជបណ្ឌិតឱ្យដឹងតាមការអះអាងរបស់ ក្រុមគ្រួសារថា នួន ប៉ែត មានជំងឺទឹកនោមផ្អែមកំពុងតែព្យាបាល ដូច្នេះជំងឺនេះគឺជាបញ្ហាព្រួយបារម្ភមួយដែលធ្វើឱ្យមុខរបួសក្រជា សះស្បើយ និងម្យ៉ាងទៀតវ័យចាស់ក៏ប្រឈមនឹងបញ្ហាមិនងាយដុះសាច់ថ្មីឡើង វិញដែរ ដូច្នេះមានការព្យាបាលយូរ ៕
Posted in: KHMER NEWS
0 comments:
Post a Comment