2:22 AM
seangkhun
លោកអូបាម៉ា ចាប់ផ្តើមធ្វើទស្សនកិច្ចរយៈពេល5ថ្ងៃនៅប្រទេសអាមេរិកឡាទីន
(ប្រុសកោះ)
ថ្ងៃ អាទិត្យ ទី ២០ ខែ មិនា ឆ្នាំ ២០១១
ថ្ងៃ អាទិត្យ ទី ២០ ខែ មិនា ឆ្នាំ ២០១១
រូបភាព បរទេស
លោកអូបាម៉ា និងលោកស្រីប្រធានាធិបតីប្រេស៊ីល
ប្រធានាធិបតីសហរដ្ឋអាមេរិក លោកបារ៉ាក់ អូបាម៉ា បានអញ្ជើញទៅកាន់ប្រទេសប្រេស៊ីល កាលពីថ្ងៃទី១៩ មីនា កន្លងមក ដោយចាប់ផ្តើមដំណើរទស្សនកិច្ចរយៈពេល៥ថ្ងៃរបស់លោកនៅ អាមេរិកឡាទីន សំដៅបង្កើត និងបង្កើនទីផ្សារសម្រាប់ការនាំចេញរបស់អាេមរិក និងពង្រីកឥទ្ធិពលរបស់អាមេរិក ។
លោកអូបាម៉ា បានចាប់ផ្តើមទស្សនកិច្ចនោះដោយទៅកាន់ប្រទេសប្រេស៊ីលដំបូងគេ ព្រោះប្រេស៊ីលជាទីផ្សារដ៏សំខាន់សម្រាប់ទំនិញអាមេរិក ហើយលោកអូបាម៉ា សង្ឃឹមថា អាមេរិកនឹងលើកកម្ពស់ទំនាក់ទំនងជាមួយប្រេស៊ីល ដែលស្ថិតក្រោមការដឹកនាំរបស់ប្រធានាធិបតីថ្មី លោកស្រីឌីលម៉ា រ៉ូសសែហ្វ ។ ក្រោយពីបំពេញទស្សនកិច្ចនៅប្រទេសប្រេស៊ីល លោកប្រធានាធិបតីអូបាម៉ា នឹងអញ្ជើញទៅកាន់ប្រទេសស៊ីលី និងប្រទេសអែលសាល់វ៉ាឌ័រ ។
សេតវិមានបានចាត់ទុកដំណើរ ទស្សនកិច្ចរបស់លោកអូបាម៉ាថា ជាមធ្យោបាយមួយដើម្បីបង្កើតការងារសម្រាប់ពលរដ្ឋអាមេរិក ដោយការពង្រឹង និងពង្រីកទំនាក់ទំនងផ្នែកសេដ្ឋកិច្ចជាមួយប្រទេសអាេមរិកឡាទីន ។ ក្នុងដំណើរ
ទស្សនកិច្ចនៅប្រទេសប្រេស៊ីល អាជ្ញាធរប្រេស៊ីលបានរឹតបន្តឹងសន្តិសុខយ៉ាងខ្លាំងសម្រាប់លោក អូបាម៉ា ហើយផ្លូវជាច្រើននៅក្នុងទីក្រុងរីយ៉ូឌីហ្សា ណេរ៉ូ ត្រូវបានបិទមិនឱ្យធ្វើចរា
ចរណ៍ ។ ដោយឡែកនៅថ្ងៃទស្សនកិច្ចរបស់លោកអូបាម៉ា នោះ បាតុករប្រឆាំងអាេមរិកប្រមាណ៣០០នាក់ បានធ្វើបាតុកម្មប្រឆាំងលោកអូបាម៉ា នៅស្ថានកុងស៊ុលអាេមរិក នៅក្នុងទីក្រុងរីយ៉ូ ប៉ុន្តែត្រូវប៉ូលិសប្រើឧស្ម័នបង្ហូរទឹកភ្នែកបំបែក ។
នៅក្នុង ជំនួបពិភាក្សាជាមួយលោកអូបាម៉ា លោកស្រីប្រធានាធិបតីឌីលម៉ា រូសសែហ្វ ថ្លែងសន្យាថា នឹងមានឱកាសសម្រាប់អាមេរិក និងប្រេស៊ីលសហការគ្នាក្នុងវិស័យមួយចំនួនដូចជាផ្នែកសេនេទិក បច្ចេកវិទ្យាជីវចម្រុះ និងការរុករកប្រេងក្នុងសមុទ្រជាដើម ។
លោកស្រី ឌីលម៉ា រូសសែហ្វ ថ្លែងថា តាមរយៈការលាយបញ្ចូលគ្នានូវសមត្ថភាពជាន់ខ្ពស់របស់យើង ក្នុងវិស័យស្រាវជ្រាវ នឹងផ្តល់ផលប្រយោជន៍ផ្លែផ្កាសម្រាប់ប្រទេសទាំង២ ។
លោកអូបាម៉ា ថ្លែងថា រូបលោក និងមេដឹកនាំប្រេស៊ីលបានចាត់ទុកទស្សនកិច្ចរបស់លោកជាឱកាស ប្រវត្តិសាស្ត្រ ដើម្បីធ្វើឱ្យអាមេរិកនិងប្រេស៊ីលស្ថិតលើផ្លូវឆ្ពោះទៅរក កិច្ចសហប្រតិបត្តិការកាន់តែធំទូលាយជាងមុន ៕
Posted in: KHMER NEWS
0 comments:
Post a Comment