Tuesday, March 22, 2011

តុលាការលើកលែងការចោទប្រកាន់ទៅលើតំណាងអ្នកឃុំជីក្រែង៩នាក់

6:38 AM

seangkhun

No comments

ដោយ ហង្ស សាវយុត

2011-03-22

តុលាការខេត្តសៀមរាប កាលពីព្រឹកថ្ងៃអង្គារ ទី២២ ខែមីនា បានសម្រេចលុបចោលការចោទប្រកាន់ទៅលើតំណាងអ្នកឃុំជីក្រែង ៩នាក់ ដែលតវ៉ារឿងទំនាស់ដីស្រែប្រាំងនៅទំនប់៧៨សួង ពីបទប្លន់ស្រូវនោះហើយ បន្ទាប់ពីអ្នកទាំងនោះត្រូវសមត្ថកិច្ចចាប់ឃុំខ្លួនដាក់ក្នុង ពន្ធនាគារចំនួន ២៤ខែកន្លងមកនោះ។

RFA/Hang Savyouth

តំណាងអ្នកតវ៉ាទំនាស់ដីស្រែប្រាំងនៅឃុំ ជីក្រែងទាំង ៩នាក់ ត្រូវអនុរក្សពន្ធនាគារខេត្តសៀមរាប បណ្ដើរឡើងឡានបញ្ជូនត្រឡប់ទៅពន្ធនាគារវិញ បន្ទាប់ពីតុលាការបញ្ចប់សវនាការ កាលពីថ្ងៃទី២២ ខែមីនា ឆ្នាំ២០១១។

កាលពីព្រឹកថ្ងៃអង្គារ អង្គសវនាការបានដេញដោលសួររយៈពេលប្រមាណជា ៣ម៉ោង ដែលមន្ត្រីតុលាការបានឲ្យដឹងថា នេះគឺជាការជម្រះទៅលើករណីចុងក្រោយរបស់តំណាងអ្នកឃុំជីក្រែង ទាំង ៩នាក់ ដែលបានជាប់ឃុំក្នុងរឿងទំនាស់ដីស្រែប្រាំងជាង ៩០ហិកតារ ក្នុងចំណោមបទចោទប្រកាន់ទាំងអស់ចំនួន ៨ករណីផ្សេងគ្នា។

លោក សុខ កែវបណ្ឌិត ព្រះរាជអាជ្ញារងអមសាលាដំបូងខេត្តសៀមរាប និងជាតំណាងអយ្យការក្នុងអង្គសវនាការបានមានប្រសាសន៍បន្ទាប់ពី បញ្ចប់សវនាការថា ចៅក្រមនៃអង្គសវនាការបានសម្រេចជាឯកច្ឆន្ទឲ្យតំណាងអ្នកឃុំ ជីក្រែងទាំង ៩នាក់នោះរួចផុតពីការចោទប្រកាន់ទៅនឹងបទប្លន់ស្រូវនោះហើយ។

លោក ហម ស៊ុនរិទ្ធិ មេធាវីការពារក្ដីឲ្យតំណាងអ្នកឃុំជីក្រែងទាំង ៩រូបនោះ បានមានប្រសាសន៍ថា ថ្វីត្បិតតែតុលាការបានសម្រេចលុបចោលការចោទប្រកាន់ករណីចុងក្រោយ ទៅលើកូនក្ដីរបស់លោក ក៏ប៉ុន្តែចំពោះការសម្រេចដោះលែងកូនក្ដីរបស់លោកចេញពីពន្ធនាគារ ឲ្យមានសេរីភាពវិញពេលណានោះ លោកពុំទាន់ដឹងច្បាស់នៅឡើយទេ។ ក៏ប៉ុន្តែលោកគ្រាន់តែរំពឹងថា ការដោះលែងតំណាងអ្នកឃុំជីក្រែងទាំងនោះអាចនឹងធ្វើឡើងនៅពេល ឆាប់ៗនេះ។

លោក ហម ស៊ុនរិទ្ធិ បន្តថា ៖ «ចំពោះ ឆេង សាវឿន មានរឿងផ្សេងទៀត។ អ៊ីចឹងអ្នក ៨នាក់ហ្នឹងខ្ញុំរំពឹងថា មិនយូរទេ យ៉ាងច្រើនណាស់ចុងខែ៤ អាចរួចខ្លួន។ ខ្ញុំក៏សំណូមពរទៅខាងសមត្ថកិច្ច ក៏ដូចជាភាគីទាំងសងខាងគួរបញ្ចប់បញ្ហាវិវាទដីធ្លីនៅប៉ុណ្ណឹងទៅ ហើយក្នុងរឿងព្រហ្មទណ្ឌទាំងឡាយក៏គួរបញ្ចប់ទៅ...»។

ក្រុមអង្គការក្រៅរដ្ឋាភិបាលដែលតាមដានករណីនោះ បានឲ្យដឹងថា តំណាងអ្នកឃុំជីក្រែងចំនួន ៩រូប ត្រូវបានតុលាការសម្រេចដាក់ទោសចំនួន ២៥ខែ ក្នុងការចោទប្រកាន់ករណីមុនៗជាច្រើន ហើយរហូតមកដល់ពេលនេះ ការអនុវត្តទោសបានចំនួន ២៤ខែហើយនៅក្នុងពន្ធនាគារ។

តំណាងអ្នកតវ៉ាទំនាស់ដីស្រែជាង ៩០ហិកតារនៅឃុំជីក្រែងទាំង ៩រូប ត្រូវបានសមត្ថកិច្ចចាប់ខ្លួនបញ្ជូនទៅពន្ធនាគារកាលពីថ្ងៃទី២២ ខែមីនា ឆ្នាំ២០០៩ បន្ទាប់ពីមានទំនាស់ដីស្រែប្រាំង ៩២ហិកតារនៅតំបន់ទំនប់៧៨សួង យ៉ាងស្រួចស្រាល់ជាមួយអ្នកឃុំអន្លង់សំណរ ហើយសមត្ថកិច្ចបានធ្វើការបង្ក្រាបដោយប្រើអាវុធបាញ់រះបណ្ដាលឲ្យរង របួសប្រជាពលរដ្ឋឃុំជីក្រែងចំនួន ៤នាក់ផងនោះ៕

Read more »

Posted in: KHMER NEWS

ពលរដ្ឋកម្ពុជាចូលរួមរំលែកទុក្ខជនរងគ្រោះជប៉ុន

6:35 AM

seangkhun

No comments

ពលរដ្ឋកម្ពុជាចូលរួមរំលែកទុក្ខជនរងគ្រោះជប៉ុន

ដោយ សុខ សេរី

2011-03-22

នៅថ្ងៃអង្គារ ទី២២ ខែមីនានេះ មន្ត្រីរាជការ និងតំណាងសហជីពកម្មករ ព្រមទាំងប្រជាពលរដ្ឋកម្ពុជាជាច្រើន បានមកចូលរួមមរណទុក្ខចំពោះពលរដ្ឋជប៉ុន ដែលបានបាត់បង់ជីវិតដោយសារគ្រោះរញ្ជួយដី ជាបន្តបន្ទាប់នៅឯស្ថានទូតជប៉ុន ប្រចាំនៅកម្ពុជា។

RFA/Sok Serey

ពលរដ្ឋកម្ពុជា ចូលរួមសរសេរសាររំលែកទុក្ខដល់ជនរងគ្រោះជប៉ុន ដោយសារគ្រោះរញ្ជួយដី នៅស្ថានទូតជប៉ុន ប្រចាំកម្ពុជា នៅថ្ងៃទី២២ ខែមីនា ឆ្នាំ២០១១។

ប្រជាពលរដ្ឋកម្ពុជា មន្ត្រីសភាជាតិ មន្ត្រីព្រឹទ្ធសភា និងតំណាងសហព័ន្ធសហជីពខ្មែរ ព្រមទាំងមន្ត្រីរដ្ឋាភិបាលកម្ពុជា សរុបជាង ១០០នាក់ នៅថ្ងៃទី២២ ខែមីនា ឆ្នាំ២០១១ បានប្រមូលផ្ដុំគ្នានៅឯស្ថានទូតជប៉ុន នៅក្នុងប្រទេសកម្ពុជា ដើម្បីដាក់កម្រងផ្កា និងសម្ដែងមរណទុក្ខក្រៀមក្រំដល់ប្រជាពលរដ្ឋជប៉ុន ដែលបានស្លាប់នៅក្នុងគ្រោះមហន្តរាយរញ្ជួយដី និងរលកយក្សស៊ូណាមិ (Tsunami) កាលពីថ្ងៃទី១១ ខែមីនា កន្លងទៅនេះ។

នៅក្នុងពិធីនោះ គេមានរៀបចំពិធីបង្សុកូល ដោយមានព្រះសង្ឃជាច្រើនអង្គ និងមានដាក់កម្រងផ្កាជាច្រើន និងមានសរសេរលើសៀវភៅកំណត់ហេតុ ដើម្បីពណ៌នាអំពីការចែករំលែកទុក្ខដល់អ្នកស្លាប់នៅក្នុងគ្រោះ មហន្តរាយនោះ។ អ្នកចូលរួមមានប្រជាពលរដ្ឋកម្ពុជាមួយចំនួនមកពីខេត្តឆ្ងាយៗ ដូចជាខេត្តស្ទឹងត្រែង និងខេត្តរតនគិរីជាដើម មានទឹកមុខស្រងូតស្រងាត់។

ប្រធានសហព័ន្ធសហជីពខ្មែរ លោក ជួន មុំថុល ដែលបានដឹកនាំតំណាងសហជីពចំនួនជាង ២០០ នៅតាមរោងចក្រកាត់ដេរនៅកម្ពុជា មកចូលរួម បានមានប្រសាសន៍ប្រាប់វិទ្យុអាស៊ីសេរី នៅថ្ងៃទី២២ ខែមីនា ថា ជនជាតិជប៉ុនមួយចំនួនដែលបានស្លាប់នោះ ជាអ្នករួមអាជីពជាមួយសហជីពផងដែរ។

លោកបន្តថា ៖ «ប្រទេសកម្ពុជា នៅពេលដែលរងគ្រោះមហន្តរាយដោយធម្មជាតិនោះ ក៏បានទទួលការជួយឧបត្ថម្ភពីប្រទេសជប៉ុនដែរ។ អ៊ីចឹងយើងខ្ញុំយល់ថា ជប៉ុនតែងតែមានទំនាក់ទំនងល្អនឹងគ្នា ហើយជួយគ្នាទៅវិញទៅមកនៅពេលដែលមានអាសន្ន ហើយម្យ៉ាងវិញទៀត នៅទីនោះក៏មានសមាជិកសហជីពជប៉ុន ក៏មានការរងគ្រោះដែរ»។

លោកបាននាំយកប្រាក់ចំនួន ៤៩ម៉ឺនរៀលស្មើនឹងជាង ១២០ដុល្លារអាមេរិកមកចូលរួមបច្ច័យដល់តំណាងស្ថានទូតប្រទេសជប៉ុន នៅកម្ពុជា នៅក្នុងពិធីនោះ។

ដូចគ្នានេះដែរ ប្រធានស្ដីទីនៃមណ្ឌលព័ត៌មានស្ត្រីកម្ពុជា លោកស្រី ជាស៊ុន ដាណែត ដែលបានដឹកនាំតំណាងចំនួន ៥នាក់មកចូលរួម បានមានប្រសាសន៍ថា ប្រជាពលរដ្ឋកម្ពុជា សម្ដែងការរំលែកទុក្ខ និងផ្ដល់កម្លាំងចិត្តនៅពេលដែលប្រជាពលរដ្ឋជប៉ុន កំពុងតែជួបវិបត្តិ ឬគ្រោះអាសន្ន។

លោកស្រីមានប្រសាសន៍បន្ថែមដូច្នេះ ៖ «គឺជាទឹកចិត្តរបស់យើង ជាមួយនឹងជប៉ុន។ យើងដឹងហើយថា យើងមានទំនាក់ទំនងល្អជាមួយគ្នា។ ប្រទេសជប៉ុន គឺជាប្រទេសដែលប្រជាពលរដ្ឋមានសីលធម៌ល្អ ហើយយើងមានការសហការគ្នាល្អណាស់រវាងប្រទេសទាំង២ហ្នឹង»។

លោកស្រីបាននាំមកជាមួយនូវថវិកាចំនួន ៥០០ដុល្លារអាមេរិក ដើម្បីចូលបច្ច័យជូនតំណាងស្ថានទូតប្រទេសជប៉ុន នៅកម្ពុជា។

អនុប្រធានបេសកកម្មនៃស្ថានទូតប្រទេសជប៉ុន នៅកម្ពុជា លោក ហ៊ីរ៉ូស៊ី កាវ៉ាមូរ៉ា (Hiroshi Kawamura) ដែលធ្វើបដិសណ្ឋារកិច្ច និងចាត់ចែងនៅក្នុងពិធីនោះ បានមានប្រសាសន៍ទៅកាន់អ្នកមកចូលរួមមរណទុក្ខទាំងនោះថា ៖ "សូម ថ្លែងអំណរគុណដែលលោកអ្នកបាននាំមកនូវជំនួយនានាជូនប្រជាពលរដ្ឋ ជប៉ុន រងគ្រោះដោយសាររលកយក្សស៊ូណាមិ។ យើងចាត់ចែងបញ្ជូនជំនួយ និងថវិកាទាំងនេះជូនកាកបាទក្រហមប្រទេសជប៉ុន ដែលកំពុងតែធ្វើសកម្មភាពជួយសង្គ្រោះអ្នករងគ្រោះ"។

សេចក្ដីរាយការណ៍របស់ទីភ្នាក់ងារព័ត៌មានរ៉យធឺរ (Reuters) ចេញផ្សាយនៅថ្ងៃទី២២ ខែមីនា ឆ្នាំ២០១១ ពីទីក្រុងតូក្យូ ប្រទេសជប៉ុន បានឲ្យដឹងថា តួលេខប្រជាពលរដ្ឋជប៉ុន ដែលបានស្លាប់នៅក្នុងគ្រោះមហន្តរាយរលកយក្សស៊ូណាមិ និងការរញ្ជួយផែនដីនោះ មានចំនួនប្រហែល ៩.០០០នាក់។

ប្រទេសជប៉ុន ត្រូវបានមន្ត្រីរដ្ឋាភិបាលកម្ពុជា បានចាត់ទុកថា ជាប្រទេសផ្ដល់ជំនួយធំជាងគេសម្រាប់ការអភិវឌ្ឍនៅកម្ពុជា៕

Read more »

Posted in: KHMER NEWS

No' to GBC meeting in Indonesia

4:49 AM

seangkhun

No comments

Online news: Asia

The Thai top brass has decided not to attend the 8th Thai-Cambodian General Border Committee (GBC) meeting which has been scheduled in Indonesia, insisting that any talks must be purely bilateral.

Army chief Gen Prayuth Chan-ocha said on Tuesday that he and other armed forces commanders had resolved not to attend the GBC meeting in Bogor proposed by Indonesia and agreed to by Cambodia.

Indonesia initially proposed that the meeting be held on Mar ch 24 and 25 but later postponed it to April 7 and 8.

"We won't go. We don't want the meeting to be held in a third country.

"Soldiers of the two countries are very close to each other. Talks should be between soldiers of the two countries only, and a third party should not be involved," Gen Prayuth said.

Army chief Gen Prayuth Chan-ocha

The GBC is co-chaired by the defence ministers of the two countries.

Gen Prayuth also turned down Cambodia's proposal for the setting up of 15 checkpoints manned jointly by Thai and Cambodian soldiers in the 4.6 square kilometre disputed area, to accommodate observers from Indonedia.

He said this matter should be discussed at a meeting between soldiers of the two countries.

The situation along the border near the Preah Vihear temple was still normal and the two sides had been in contact, awaiting talks between military leaders, Gen Prayuth said.

A Defence Ministry source said Defence Minister Prawit Wongsuwon also decided not to go to the proposed GBC meeting in Indonesia.

Gen Prawit and Cambodian counterpart Gen Tea Banh as well as military leaders of the two countries enjoyed close ties, the source said.

The Thai defence minister planned to contact Gen Tea Banh to set a date for a bilateral meeting. However, he was not sure if Gen Tea Banh would agree, since Cambodian Prime Minister Hun Sen had said he would not back a bilateral meeting, the source said.

According to the source, the meeting, if held, would be for the two sides to discuss the posting of Indonesian observers and deployment of troops in the disputed area.

Read more »

Posted in: ENGLISH

ការប្រយុទ្ធគ្នានៅលីប៊ីនៅតែបង្កើន ខណៈក្រុមចម្រុះលោកខាងលិចខ្វែងគំនិតគ្នា

4:40 AM

seangkhun

No comments

ដោយ ៖ អប្សរា

ថ្ងៃ អង្គារ ទី ២២ ខែ មិនា ឆ្នាំ ២០១១

រូបភាពពីវ៉េបសាយ

ការវាយប្រហារតាមអាកាសរបស់ពួកលោកខាងលិច

អំពើហិង្សានៅតែមានការកើនឡើងក្នុង ប្រទេសលីប៊ី កាលពីថ្ងៃទី២១ មីនា ខណៈដែលកងកម្លាំងរបស់លោកមូអាម៉ា កាដាហ្វី អះអាងថា វាយដណ្តើមយកបានទីក្រុង MISRATA ជាទីក្រុងធំទី៣ របស់ប្រទេសដែលនៅទីនោះការវាយប្រហាររបស់កងទ័ពលោកកាដាហ្វី បណ្តាលឱ្យមនុស្សស្លាប់យ៉ាងតិច៤០នាក់ និង៣០០នាក់ទៀតត្រូវរបួស ។ ៣ថ្ងៃក្រោយការវាយប្រហារតាមអាកាសដើម្បីបញ្ឈប់ការបង្ហូរឈាម នៅលីប៊ីបណ្តាប្រទេសដែលចូលរួមក្នុងផ្ទៃនៃកងទ័ពចម្រុះមានការ រារែកលើវិធីដែលត្រូវអូសបន្លាយពេលនៃការធ្វើប្រតិបត្តិការ យោធានៅលីប៊ី ។ ការហក់ចូលរបស់អូតង់ធ្វើឱ្យក្រុមចម្រុះបែកបាក់គ្នា ។ បច្ចុប្បន្នប្រតិបត្តិការរបស់ក្រុមចម្រុះដឹកនាំដោយអាមេរិក បារាំង និងអង់គ្លេស ហើយមានការសម្របសម្រួលដោយសេនាធិការដ្ឋានកងទ័ពអាមេរិកនៅ RAMSTEIN (អាល្លឺម៉ង់) និងក្រុង NAPLES (អ៊ីតាលី) ។ ក៏ប៉ុន្តែប្រទេសជាច្រើនបាននិយាយជាថ្មីកាលពីថ្ងៃទី២១ មីនា ថា ពួកគេចង់ឱ្យអូតង់ស្ថិតក្នុងក្រុមចម្រុះឱ្យបានឆាប់រហ័ស តាមដែលអាចធ្វើទៅបាន ។

រដ្ឋមន្ត្រីការបរទេសលុចហ្សំបួរ លោក JEAN ASSELBORN និយាយថា ប្រទេសរបស់ខ្ញុំ ក៏ដូចជាប្រទេសដទៃៗទៀតដែរ មានមធ្យោបាយតែមួយកត់ គឺចូលរួមក្នុងក្របខណ្ឌរបស់អូតង់ ។ ចំណែកប្រទេសអ៊ីតាលីរហូតដល់និយាយថា ប្រសិនបើបញ្ហាមិនត្រូវបានដោះស្រាយ នោះអ៊ីតាលីនឹងលែងឱ្យក្រុមចម្រុះប្រើប្រាស់មូលដ្ឋានយោធាទាំង ឡាយរបស់ខ្លួនទៀត ។ រហូតមកទល់ពេលនេះ បារាំងពុំចង់ឱ្យអូតង់ចូលរួមក្នុងការខិតខំប្រឹងប្រែងខាងយោធា ឡើយ ដោយយល់ថា បណ្តាប្រទេសអារ៉ាប់ពុំចង់ឱ្យអូតង់ចូលរួម ។

រដ្ឋមន្ត្រីការពារប្រទេសអាមេរិកលោករ៉ូប៊ែត ហ្គេត ឱ្យដឹងថា ប្រទេសរបស់លោកនឹងដកខ្លួនថយពីការខិតខំប្រឹងប្រែងខាងយោធា ក្នុងប៉ុន្មានថ្ងៃខាងមុខនេះទៀត តែពុំបញ្ជាក់ពីការដកខ្លួនថយបែបម៉េចឡើយ ។ លោកគូសបញ្ជាក់ថា ការទទួលខុសត្រូវសម្របសម្រួលប្រតិបត្តិការក្នុងប៉ុន្មានថ្ងៃ ខាងមុខនេះនឹងផ្ទេរទៅឱ្យបារាំង និងអង់គ្លេស ឬទៅឱ្យអូតង់ ។ ប្រធានាធិបតីអាមេរិក លោកបារ៉ាក់ អូបាម៉ា មានប្រសាសន៍ថា ការចាកចេញពីអំណាចរបស់លោកកាដាហ្វី នៅតែជាគោលដៅចុងក្រោយមួយរបស់សហរដ្ឋអាមេរិក ។ ក៏ប៉ុន្តែរហូតមកទល់ពេលនេះ បណ្តាភ្នាក់ងារអាមេរិក បានទទួលស្គាល់ថា វាមានការស្មុគស្មាញណាស់ ហើយរហូតដល់ទៅពុំដឹងថា តើលោកកាដាហ្វី ស្ថិតនៅកន្លែងណាផង ។

តំបន់ហាមហោះហើរនៅលីប៊ីបង្កើតបានហើយ

ថ្ងៃទី២១ មីនា ជាថ្ងៃទី៣ ហើយនៃការវាយប្រហារតាមអាកាសរបស់ពួកលោកខាងលិច ដើម្បីការពារបណ្តាជនស៊ីវិលពីការវាយប្រហាររបស់កងទ័ពលោកកាដាហ្វី ដែលប្រតិបត្តិការនេះជាកម្មវត្ថុនៃការរិះគន់មួយចំនួន ។ ក៏ប៉ុន្តែពួកបះបោរលីប៊ី និយាយថា ចង់ឱ្យពួកគេបន្តការវាយប្រហារទៀត ។ ខាងផ្នែកប្រតិបត្តិការ នាយករដ្ឋមន្ត្រីអង់គ្លេសលោកដាវីដ កាមឺរ៉ូន ថ្លែងថា ក្រុមចម្រុះអន្តរជាតិបានកម្ទេចមួយផ្នែកធំនូវទីតាំង ការពារអាកាសរបស់លីប៊ី និងថាតំបន់ហាមហោះហើរមួយ ពេលនេះបង្កើតបានហើយក្នុងដែនអាកាសលីប៊ី ។ នៅក្រុងប៉េកាំង កាសែតជាច្រើនបានបរិហារចំពោះការវាយប្រហារតាមអាកាសនៅលីប៊ី ដោយចោទប្រកាន់បណ្តាប្រទេសដែលចូលរួមថា ចំអកឡកឡឺយចំពោះច្បាប់អន្តរជាតិ ហើយបង្កភាពចលាចលថ្មីៗទៀតនៅមជ្ឈិមបូពា៍ ។

នៅក្រុងគែរ អគ្គលេខាធិការសម្ព័ន្ធអារ៉ាប់ លោកអាមរ៍ មូសា មុននេះបានបរិហារការទម្លាក់គ្រាប់បែក ដែលបណ្តាលឱ្យមនុស្សស្លាប់ និងរបួសច្រើននាក់ក្នុងចំណោមជនស៊ីវិលលីប៊ី ។ នៅក្រុងតេហេរ៉ង់ មេដឹកនាំកំពូលអ៊ីរ៉ង់ លោក អាយ៉ាតុលឡា អាលី ខាមេនី ថ្លែងថា ប្រសិនបើពួកលោកខាងលិច ចង់ជួយបណ្តាជនស៊ីវិលលីប៊ីនោះគេត្រូវបំពាក់អាវុធឱ្យពួកគេ ជាជាងទម្លាក់គ្រាប់បែកលើលោកកាដាហ្វី ហើយលោកចោទប្រកាន់សហរដ្ឋអាមេរិកថា ស្វះស្វែងធ្វើក្បាលស្ពានក្នុងប្រទេសមួយដែលសំបូរប្រេង ៕

Read more »

Posted in: KHMER NEWS

ភ្ញៀវកូនក្រមុំកូនកំលោះដេញកាប់គ្នាផ្អើលរោងការរបួស២នាក់

4:38 AM

seangkhun

No comments

ដោយ ៖ អប្សរា

ថ្ងៃ អង្គារ ទី ២២ ខែ មិនា ឆ្នាំ ២០១១

(រូបថត ចាន់ថេត)

បុរស២នាក់បានរងរបួសនាំចូលពេទ្យ

ខេត្តកំពង់ចាម ៖ បុរស២នាក់បានរងរបួសនាំចូលពេទ្យ ក្រោយពីមានហេតុការណ៍ដេញវាយកាប់ចាក់គ្នាទៅវិញទៅមកនៅ ក្នុងពិធីមង្គលការមួយនៅភូមិម៉ឺននូង ឃុំកោះ២ ស្រុកក្រូចឆ្មារ កាលពីវេលាម៉ោង១០យប់ ថ្ងៃទី២១ មីនា ក្នុងពេលកំពុងរាំរែក ។ បុរសទាំង២នាក់នេះម្នាក់ធ្លាយពោះវៀននិងម្នាក់ទៀតត្រូវ ១ពូថៅចំខ្នង ហើយត្រូវបានដឹកតាមរថយន្តយកទៅសង្គ្រោះនៅមន្ទីរពេទ្យខេត្តទាំង យប់ ។

តាមស្ត្រីឈ្មោះហ៊ន់ ហេន អាយុ៥៥ឆ្នាំ រស់នៅភូមិកំពង់ក្របី ឃុំព្រែកអាជី ស្រុកក្រូចឆ្មារ បានឱ្យដឹងថា នៅវេលាម៉ោងជិត១១យប់ថ្ងៃទី២១ មីនា មានមិត្តភក្តិកូនប្រុសបានទូរស័ព្ទមកប្រាប់គាត់ថា កូនប្រុសគាត់ឈ្មោះហុន សុខហាន អាយុ២៣ឆ្នាំ ត្រូវគេកាប់ចំពោះ១កាំបិត បណ្តាលឱ្យធ្លាយពោះវៀនចេញមកក្រៅនិង កំពុងស្ថិតនៅមាត់ទន្លេក្បែរសាលាឆទាន ។ ក្រោយពីទទួលបានព័ត៌មាននេះភ្លាមរូបគាត់និងក្រុម គ្រួសារនាំគ្នាមកតាមមើលក៏បានឃើញកូនប្រុសត្រូវរបួសដោយគេកាប់មែននិងបាន នាំគ្នាសែងយកមកផ្ទះហើយប្រញាប់ប្រញាល់ហៅរថយន្តអ្នកភូមិដឹកយកមកសង្រ្គោះនៅ មន្ទីរពេទ្យខេត្តជាបន្ទាន់ ។ សូមបញ្ជាក់ថា ក្នុងពេលមានទំនាស់នៅកន្លែងរាំក្នុងពិធីមង្គលការនោះ ក្រុមម្ខាងទៀតបាននាំគ្នាដេញតាមកាប់កូនប្រុសរបស់គាត់ដល់ក្បែរសាលាឆទាន បណ្តាលឱ្យរងរបួសធ្លាយពោះវៀនចេញមកក្រៅ មិនតែប៉ុណ្ណោះបានបាញ់បង្ហើរគំរាមចំនួន៣គ្រាប់ថែមទៀត រួចនាំគ្នាត្រឡប់ទៅវិញអស់ទៅ ។

អ្នករងគ្រោះឈ្មោះ ហេង ស៊ាងហ៊ត់ ភេទប្រុស អាយុ២៧ឆ្នាំ រស់នៅភូមិម៉ឺននួង ឃុំកោះ២បានប្រាប់ថា ក្នុងពិធីមង្គលការមិត្តភក្តិឈ្មោះប៊ុន ឡុង រូបគេបានទៅរាំលេងជាច្រើនបទដោយមិនបានឈ្លោះប្រកែកជាមួយនឹងអ្នកណានោះទេ ។ លុះនៅវេលាម៉ោងជាង៩យប់ពេលរូបគេដើរត្រឡប់មកមាត់ទន្លេវិញ ស្រាប់តែត្រូវគេគប់១ពូថៅចំខ្នងរយះហូរឈាមស្រោចពេញខ្លួនប្រាណតែម្តង ហើយត្រូវបានម្តាយដឹកមកកាន់មន្ទីរពេទ្យខេត្តជាបន្ទាន់ ។

លោកវរសេនីយ៍ត្រីឡាយ ងួន អធិការនគរបាលស្រុកក្រូចឆ្មារ បានប្រាប់កោះសន្តិភាពតាមទូរស័ព្ទថា ចំពោះមូលហេតុដែលឈានដល់ការដេញកាប់ចាក់គ្នានេះ ផ្តើមចេញពីក្រុមអ្នកនៅខាងព្រែកអាជីពេលដែលទៅដល់រោងការបានចាប់ក្មេងប្រុស ជំទង់ម្នាក់មិនដែលស្គាល់គ្នាសោះញ៉ឹងត្រចៀក។ ហេតុតែឈឺពេក ពេលនោះក្រុមអ្នកឃុំកោះ២បានញ៉ឹងត្រចៀកវិញទើបកើតទៅជារឿងជម្លោះ តែត្រូវបានចាស់ៗបំបែកក្រុមទាំង២មិនឱ្យឈ្លោះគ្នាបន្តទៀត។ បន្ទាប់មកពេលដែលក្រុមខាងព្រែកអាជីមានគ្នាចំនួន៣នាក់ទៅរាំលេង ក្នុងនោះម្នាក់ឈ្មោះ វេត ដូងបានស្រែកឌឺដាក់ឱ្យគេក៏មានមនុស្សជាច្រើននាក់នាំគ្នាដេញវាយជននេះឡើង ទ្រមខ្លួន ។

លោកវរេសនីយ៍ត្រីឡាយ ងួន បានរៀបរាប់ទៀតថា ពេលនោះនគរបាលដែលយាមប្រចាំការនៅរោងការបានអន្តរាគមន៍ឃាត់បំបែក ក្រុមទាំង២ ហើយការផ្ទុះអាវុធ៣គ្រាប់គឺសមត្ថកិច្ចជាអ្នកបាញ់បង្ហើរឡើងលើ ដើម្បីតាមចាប់ក្រុមខាងព្រែកអាជីដែលមានគ្នាច្រើននាក់ តែចាប់មិនបានព្រោះយប់ងងឹតពេក។ ករណីខាងលើនេះកម្លាំងជំនាញក្រោមឱវាទកំពុងស្រាវជ្រាវបន្ថែមទៀត ដើម្បើតាមចាប់ក្រុមជនដៃដល់មកផ្តន្ទាទោសតាមច្បាប់ ៕

Read more »

Posted in: KHMER NEWS

ប្រទះឃើញរូបចម្លាក់ថ្មបុរាណ លោកគិរីស្វារៈសង្ស័យជនល្មើសលាក់ទុក

4:37 AM

seangkhun

No comments

ដោយ ៖ អប្សរា

ថ្ងៃ អង្គារ ទី ២២ ខែ មិនា ឆ្នាំ ២០១១

(រូបថត បទុម)

រូបចម្លាក់លោកគីរីស្វារៈធ្វើអំពីថ្មភក់សម័យអង្គរ ត្រូវបានប្រជាពលរដ្ឋប្រទះឃើញ

ខេត្តកំពង់ធំ ៖ រូបចម្លាក់លោកគីរីស្វារៈធ្វើអំពីថ្មភក់សម័យអង្គរដែលមានការខូចខាតតែ បន្តិចបន្តួច ត្រូវបានប្រជាពលរដ្ឋប្រទះឃើញក្នុងពេលជីកកាយយកអាចម៍ដីនៅក្នុងតំបន់អ្នក តាស្វាយ ឃុំទួលគ្រើល ស្រុកប្រាសាទបល្ល័ង្ក និងបានប្រគល់ឱ្យសមត្ថកិច្ចភ្លាមៗផងដែរ។ ទាក់ទិននឹងការប្រទះឃើញរូបសំណាកបុរាណខាងលើនេះ ប្រជាពលរដ្ឋឈ្មោះកាយ មុំ ភេទស្រី និងឈ្មោះថោ ច្រឹប ភេទស្រី រស់នៅក្នុងភូមិថ្នល់ ឃុំទួលគ្រើល បានរៀបរាប់ថា នៅវេលាម៉ោងជាង៨ព្រឹកថ្ងៃទី១២ មីនា ខណៈពួកគាត់រួមជាមួយអ្នកភូមិឯទៀត នាំគ្នាកាប់ដីលើកផ្លូវទៅកាន់សាលារៀនក្នុងភូមិ ស្រាប់តែកាប់ត្រូវថ្មនៅក្នុងដីដែលមានជំរៅប្រមាណជា២០ទៅ៣០សង្ទីម៉ែត្រ។ ដោយមានការសង្ស័យពួកគាត់ក៏នាំគ្នាកាយដីស្រាប់តែប្រទៈឃើញរូប ចម្លាក់ថ្មសណ្ដូកកប់ដី ក៏នាំគ្នារើសយកមក ហើយហៅមនុស្សគ្រប់គ្នាពិនិត្យមើល និងបានរាយការណ៍ទៅសមត្ថកិច្ចស្រុកតែម្ដង ។

ដោយឡែកលោកអធិការនគរបាលស្រុកប្រាសាទបល្ល័ង្កបាន ឱ្យដឹងថា ក្រោយពេលប្រជាពលរដ្ឋរាយការណ៍ភ្លាម លោកក៏ដឹកនាំកម្លាំងទៅពិនិត្យមើល និងបានឃើញរូបចម្លាក់ថ្មបុរាណនេះមានកម្ពស់៨៥សង្ទីម៉ែត្រ មានដៃ៤ ដៃស្ដាំខាងលើកាន់អង្កាំ ដៃស្ដាំក្រោមកាន់ខ្យង តែត្រូវមុខចបកាប់បាក់ជាពីកំណាត់ ដៃឆ្វេងលើកាន់ពូថៅតែបាក់ត្រឹម.កដៃ ដៃឆ្វេងក្រោមកាន់ផ្កាឈូក តែបាក់ត្រឹមកដៃកប់ក្នុងដី។ លោកអធិការបន្តថា ពេលនោះលោកបានរាយកាណ៍ជូនលោកឧត្តមសេនីយ៍ត្រីស្នងការ និងមន្ត្រីជំនាញ បន្ទាប់មកលោកស្នងការក៏បានបញ្ជាឱ្យប្រគល់រូបសំណាកនោះទៅមន្ទីរវប្បធម៌ ខេត្តរក្សាទុកជាសម្បត្តិរដ្ឋ ។

ទាក់ទិននឹងរូបសំណាកនេះ មន្ត្រីបេតិកភណ្ឌនៃមន្ទីរវប្បធម៌ខេត្តបានធ្វើការវាយតម្លៃថា ជារូបសំណាកលោកគីរីស្វារៈ កសាងក្នុងរចនាបថសម័យអង្គរធ្វើពីថ្មភក់ ដែលនៅពីខាងលើមានរូបព្រះពុទ្ធសំដៅលើការគោរពដល់ព្រះពុទ្ធសាសនា និងព្រហ្មញ្ញសាសនា ។ ជុំវិញការប្រទះឃើញរូបសំណាកខាងលើនេះ សមត្ថកិច្ចនគរបាលជំនាញបេតិកភណ្ឌបាននិយាយថា គេសង្ស័យថារូបសំណាកនេះអាចត្រូវជនខិលខូចយកទៅលាក់ទុកកាលពីពេលថ្មីៗ កន្លងទៅ ក្នុងបំណងបំបាត់ដានពីភ្នែកសមត្ថកិច្ចព្រោះថា កន្លងមក ក្រុមជនទុច្ចរិតតែងតែធ្វើសកម្មភាពលួចវត្ថុបុរាណពីខេត្តព្រះវិហារ និងកំពង់ធំទៅលក់នៅខេត្តផ្សេងៗជាញឹកញាប់៕

Read more »

Posted in: KHMER NEWS

ឪពុកចុងប្រមឹកចាក់កូនធ្លាយពោះហើយដុតផ្ទះ រួចអារ.កខ្លួនឯង

4:36 AM

seangkhun

No comments

ដោយ ៖ អប្សរា

ថ្ងៃ អង្គារ ទី ២២ ខែ មិនា ឆ្នាំ ២០១១

ខេត្តកំពង់ធំ ៖ តាមប្រភពព័ត៌មានបានឱ្យដឹងថា បុរសជាឪពុកចុង និងកូនប្រុសបានរងរបួសធ្ងន់ធ្ងរ កាលពីវេលាម៉ោង១៨និង៣០នាទិថ្ងៃទី២១ មីនា ។ ទាក់ទិននឹងការរងរបួសនេះត្រូវបានប្រភពព័ត៌មានឱ្យដឹងថា បុរសជាឪពុកចុងឈ្មោះតាប់ ស៊ីន អាយុ៤៦ឆ្នាំ ខណៈដែលស្រវឹងស្រាមានជម្លោះជាមួយកូនអាយុ២៦ឆ្នាំ ហើយបានយកកាំបិតចាក់កូនធ្លាយពោះបណ្តាលឱ្យរបួសធ្ងន់ ។ ហេតុការណ៍នេះកើតមានឡើងនៅឯផ្ទះចំការក្នុងតំបន់អូរគ្រញូង ឃុំបឹងល្វា ស្រុកសន្ទុក ។ ទាំងឪពុកចុង និងកូនមានទីលំនៅភូមិត្រពាំងទឹម ឃុំបឹងល្វា ស្រុកសន្ទុក ។

កូនប្រុសដែលរងរបួសឈ្មោះក្រឿន ណាក់ អាយុ២៦ឆ្នាំ ។ ក្រោយពេលចាក់កូនរបួស ហើយ បុរសជាឪពុកចុងបានដុតផ្ទះប្រក់ស្បូវទំហំ៤ម៉ែត្រគុណ៦ម៉ែត្រឆេះ ម៉ដ្ឋ ទោះបីប្រពន្ធខំប្រឹងអង្វរយ៉ាងណាក៏ដោយ រួចហើយអារ.កខ្លួនឯងទៀត ។ ទោះបីជាបែបណា អំពើហិង្សាអគតិដែលកើតឡើងនេះត្រូវបានអ្នកភូមិជួយ ឃាត់ និងបញ្ជូនអ្នករបួសទាំង២នាក់មកកាន់មន្ទីរពេទ្យ ។ គេមិនទាន់ដឹងថា មូលហេតុនៃការកើតអំពើហិង្សានេះបណ្តាលមកពីអ្វីនៅឡើយទេ ៕

Read more »

Posted in: KHMER NEWS

khmerhotnews

Tuesday, March 22, 2011

តុលាការលើកលែងការចោទប្រកាន់ទៅលើតំណាងអ្នកឃុំជីក្រែង៩នាក់

ដោយ ហង្ស សាវយុត

2011-03-22

ពលរដ្ឋកម្ពុជាចូលរួមរំលែកទុក្ខជនរងគ្រោះជប៉ុន

ពលរដ្ឋកម្ពុជាចូលរួមរំលែកទុក្ខជនរងគ្រោះជប៉ុន

ដោយ សុខ សេរី

2011-03-22

No' to GBC meeting in Indonesia

ការប្រយុទ្ធគ្នានៅលីប៊ីនៅតែបង្កើន ខណៈក្រុមចម្រុះលោកខាងលិចខ្វែងគំនិតគ្នា

ភ្ញៀវកូនក្រមុំកូនកំលោះដេញកាប់គ្នាផ្អើលរោងការរបួស២នាក់

ប្រទះឃើញរូបចម្លាក់ថ្មបុរាណ លោកគិរីស្វារៈសង្ស័យជនល្មើសលាក់ទុក

ដោយ ៖ អប្សរា

ឪពុកចុងប្រមឹកចាក់កូនធ្លាយពោះហើយដុតផ្ទះ រួចអារ.កខ្លួនឯង

Categories

Tuesday, March 22, 2011

ដោយ ហង្ស សាវយុត

2011-03-22

ពលរដ្ឋ​កម្ពុជា​ចូល​រួម​រំលែក​ទុក្ខ​ជន​រង​គ្រោះ​ជប៉ុន

ដោយ សុខ សេរី

2011-03-22

ដោយ ៖ អប្សរា

Categories

ពលរដ្ឋកម្ពុជាចូលរួមរំលែកទុក្ខជនរងគ្រោះជប៉ុន